ROXAS CITY – Padayon nga gina-obserbahan sa Roxas Memorial Provincial Hospital ang 33-anyos nga mister nga nagtuyo magpanginmatay pinaagi sa pagbitay gamit ang pisi sa ila mismo balay sa Sitio Pangpang, Barangay Barra, Roxas City.
Ginkilala ang biktima nga si alyas Joey may-asawa kag lima ka mga kabataan.
Nagpangayo sang responde sa Capiz Emergency Response Team (CERT) ang asawa sang biktima, matapos makita nga nagabitay sa balayan sang ila balay ang bana.
Nahibaluan nga antes ang insedente, nakita pa sang iloy sang biktima nga nagainum ang iya anak kag nagahambal subongman nagakadlaw.
Ginbalewala lamang sang ginang ang pagbuhi sang tinaga sang anak nga pananglitan nga mapatay luyag sini nga ihamyang sa ila balay, bangud masami na niya ini nga ginahambal sa tagsa ka makainom.
Samtang nagapati ang pamilya sang biktima nga nagtuyo lamang ini nga magpanginmatay bangud yara ini sa impluwensiya sang makahulubog nga ilimnon.
