Nagtaliwan na sa edad nga 69 si anay NBA player Joe Bryant ang amay sang nagpahuway naman nga Hall of Famer nga si Kobe Bryant.
Suno sa kampo sini, nag-angkon sang problema sa ikaayong lawas si Bryant kag makapila ini ka beses nga na-stroke.
Si Joe ukon may bansag nga “Jellybean” ang first-round pick sang Golden State Warriors sadtong 1975.
Magluwas sa Warriors, naghampang man ini sa Philadelphia 76ers, San Diego Clippers kag Houston Rockets antes nagpadulong sa iban nga pungsod.
Nangin madinalag-on ang basketball career sini sa Europa halin 1983 tubtob 1991 kag nangin sikat sa pila ka Italian basketball organization.
May yara ini sang 8 points average, apat nga rebounds kag duha ka assists sa kada hampang sa NBA.
Matapos ang paghampang sa NBA, nangin head coach ini sang Los Angeles Sparks sang WNBA halin 2005 tubtob 2007 kag 2011.
Ginkasal ini kay Pam Cox sadtong 1975 kag ginbun-ag si Kobe sadtong 1978 kag nangin NBA star.
Matandaan nga sadtong Enero 2020 sang nagtibusok ang helicopter nga ginsakyan ni Kobe kaupod ang anak nga si Gianna kag pito ka iban pa.
