Hustisya ang ginasinggitan sang amay sang lalaki nga ginpatay pinaagi sa paglampus sang butong sa tangkugo kag nawong sa Barangay Linateran, Panay, Capiz.
Sa interview sag Bombo Radyo kay Arturo Rodico, amay sang biktima nga si Arman Rodico luyag lamang sang ila pamilya nga mahibaluan kun sin-o ang responsable sa pagpatay sa iya anak agud mapahamtang man ang ila buot kag mapasabat ang mga suspek sa krimen.
Nagapati si Tatay Arturo nga daku ang partisipasyon sa krimen sang mga nakaupod sa ilimnan sang iya anak kag daku ang posibilidad nga may kaangtanan sa natabo kagab-I ang pagpatay sa biktima.
Aminado ang mister nga may bes nga nagapuis-is ang iya anak kag kaupod sa ilimnan apang pagkamasunod nga adlaw magkaupod sila sa gihapon sa pag-inum.
Nagapati man si Tatay Arturo nga ginpulihan ang biktima, bangud sarang man nga makabato ang anak kun one on one lamang ang away.
