MANILA, Philippines – Nagpasaka sang tatlo ka civil forfeiture petitions ang Anti-Money Laundering Council (AMLC), batok sa mga assets nga ginapatihan nalambot sa flood control corruption scandal matapos ang anom ka bulan nga imbestigasyon.
Suno sa AMLC, ang mga kaso nagalakip sang mga assets sang mga indibidwal kag entidad nga una na ginbutangan sang freeze order sang Court of Appeals, bisan wala ginpahayag ang mga ngalan kag eksakto nga kantidad.
Nahibaluan nga may duha na ka provisional asset preservation orders nga gin-aprubahan sang isa ka korte sa Manila agud maprotektahan ang mga kwarta kag propiedades samtang ginahulat ang desisyon sa kaso.
Base sa datos sang AMLC, naglab-ot na sa P27.8 bilyon ang kabug-osan nga gin-freeze nga assets nga nagaaplikar sa 862 ka indibidwal kag 648 ka entidad, lakip ang libo-libo nga bank accounts, real properties, motor vehicles kag eroplano.
Samtang, nagpanubo naman sa iya posisyon si Matthew David kag gin-ilisan bilang officer-in-charge ni Arnold Kabanlit, bisan wala pa ginpahayag ang rason sang iya paghalin.
