ROXAS CITY – Patay ang 29 anyos nga lalaki matapos ginlabu sang kaugalingon nga amay sa Barangay Sinamongan, Pilar, Capiz.
Ginkilala ang biktima kay Genesis Evangelio, sang nasambit man nga lugar.
Base sa inisyal nga imbestigasyon sang Pilar Municipal Police Station, nag-abot ang biktima nga yara sa idalom sang impluwensiya sang makahulubog nga ilimnon kag ginkadtuan ang iya amay nga si Jaime Evangelio, 66 anyos sa hulot sini.
Diri kag hinali na lamang nga ginlabu sang amay ang iya anak nga nag-angkon sang patal nga pilas sa dughan.
Gindala pa sa ospital ang biktima apang gilayon man ini nga ginbawian sang kabuhi.
Nakahunong naman karon sa Pilar PNP ang suspek matapos boluntaryo nga nagsungka sa mga kapulisan kasunod sang nasambit nga krimen.
