ROXAS CITY – If I can be useful and helpful why not! Ini ang nangin pahayag ni anay Interior Secretary Mar Roxas sa madamo nga mga palamangkutanon kun liwat ini nga magapadalagan sa maabot nga eleksyon sa masunod nga tuig.
Sa pagbisita ni anay Interior Secretary Roxas sa Bombo Radyo Roxas, ginpahayag sini nga wala sini dalayun nga ginasaraduhan ang posibilidad nga liwat siya nga magserbisyo sa mga Pilipino.
Apang importante para kay Roxas nga may ma-contribute kag makabulig pa ini sa gobyerno.
Samtang gin-ako sang anay tiglikum nga enjoy ini karon sa iya paglibot sa Pilipinas, bilang isa ka pribado nga indibidwal sa diin pila ka lugar ang iya napadulungan kag nakita sini kun ano katahum sang Pilipinas.
Nangin opurtunidad man ang pagbalik sini sa pribado nga kabuhi, agud makabayad utang sa iya pamilya nga sadto indi sini makaupod bangud sa tuman ka saku sini sa trabaho bilang opisyal sang gobyerno.
