ROXAS CITY – Boluntaryo nga nagsungka sa kapulisan sa President Roxas ang isa ka lalaki nga nagpakilala nga anay katapo sang Communist Terrorist Group (CTG).
Sa interview sang Bombo Radyo kay Police Major Rachelle Garnica, hepe sang President Roxas Municipal Police Station, ginsiling sini nga nagpadulong sa ila istasyon ang indi na paghingadlan nga persona sang Hunyo 25, agud pormal nga magbalik sa sabak sang gobyerno.
Suno diri, nagdesider nga magsungka sa otoridad kag untatan na ang pagsuporta sa rebelde nga grupo bangud nareyalisar sang surenderee nga madugay na ini nga ginatiplang sang NPA.
Nahibaluan nga ang nagsungka nga persona ang nangin miyembro sang rebelde nga grupo sang tuig 1994 tubtob 1997 apang naglay low sa hublag kag nagpadulong sa Metro Manila.
Tuig 2021, nagpauli ini sa Capiz kag liwat nga naengganyo sa NPA kag nagserbe bilang isa ka informant.
Apang, nadesisyon ini nga magbalik sa sabak sang gobyerno sang nareyalisar sini nga wala sang pulos ang ginapakigbato sang grupo kag pagpanunto lang ang ginahimo.
Kadungan sang iya pagsungka, ginsurrender man sini ang isa ka unit sang homemade long barrel pugakhang kag isa ka rifle grenade.
Nagpalab-ot man sang financial support si Mayor Receliste Escolin sa nagsungka nga CTG member.
Anay miyembro sang rebelde nga grupo, nagsungka sa mga kapulisan sa President Roxas
-- ADVERTISEMENT --
