ROXAS CITY – Nagpaathag si anay provincial administrator Michelle del Rosario natuhoy sa Aksyon-Agad scholarship program sang administrasyon ni former governor Antonio del Rosario.
Ginpahayag sini nga ang scholarship program sa idalum sang Del Rosario administration ang may maayo nga tinutuyo nga amo ang mabuligan ang mga pigado nga pamatan-on nga makatapos sa ila nga pag-eskwela.
Ini ang rason kun ngaman wala sang may ginbutang nga grade requirement sa mga scholars sa baylo nga wala lamang sila sang failing grade nga ‘ground’ agud makuhaan sila sang scholarship.
Ginpahayag sini nga tuig 2017 sang ginpainan sang anay gobernador sang pondo sa idalom sang Gender and Development (GAD) ang nasambit nga programa.// Ini ang kasunod sang pagtawag sang atensiyon sang Commission on Audit (COA) bangud sa guidelines sang VIC-scholarship nga ginsawo sang Del Rosario administration.
Gindugang pa ni Michelle nga kun gustuhon lamang sang bag-o nga administrasyon, mahimo nila mapainan sang pondo ang para sa scholarship program kun matuod nga nagakabalaka ini sa pumuluyo.
