ROXAS CITY – Gintuldukan na ni anay SB member Wildie Duronio ang isyu nga nagpatunga sa ila ni Vice mayoralty candidate Dodoy Diestro sang Maayon.
Sa pagpadulong sini sa broadcast center sang Bombo Radyo subong nga udto, ginpahayag ni Duronio nga indi na sini luyag nga maglawig pa ang kun anuman nga word war sa tunga nila ni Diestro.
Apang luyag lamang sini tadlungon ang pila ka mga isyu nga ginapaguwa batuk sa ila pamilya sang vice mayoralty candidate.
Kalakip diri ang akusasyon nga kasubong ginasalig na lamang nila ang ila palangabuy-anan sa pulitika.
Suno kay Duronio nga mabuhi sila bisan wala sa pulitika bangud bisan paano may yara ini sang gamay nga ulumhan.
Sa isyu naman nga pagpalapit nila sa nagapapili sa pagka alkalde sang Maayon, liwat ini gin-ako ni Duronio, apang gin-athag nga wala siya sang nakita nga malain sa ila ginhimo, bangud sadto pa malapit na ang ila pamilya kay Raymond Malapajo.
