ROXAS CITY – Landing sa karsel ang isa ka ginapahayag anay suldado matapos nga nagpalupok sang iya armas luthang sa Barangay Agloloway, Jamindan, Capiz.
Ginkilala ang nadakpan kay Albert Nicolas, 31 anyos, sang nasambit man nga lugar.// Mahibaluan nga may yara sang isa ka concerned citizen nga nagpanawag sa talatapan sang Jamindan Municipal Police Station kag nagpahibalo nga nagapalupok sang iya armas luthang ang suspek.
Bangud diri, nagpatigayon sang checkpoint ang mga kapulisan kag didto nadakpan ang suspek sa Barangay Esperanza.
Nakuha sa posesyon ni Nicolas ang isa ka .45 calibre nga armas luthang, duha ka mga magazine nga may 14 ka mga bala.
Depensa naman sang suspek nga yara sa idalom sang impluwensiya sang makahulubog nga ilimnon, wala ini sang tuyo nga magtuga sang ginamo sa lugar bangud iya lamang ginatestingan ang iya nga armas.
