ROXAS CITY – Boluntaryo nga nagsungka sa mga kapulisan, ang ginaalegar anay supporter sang Communist Terrorist Group (CTG) sa banwa sang Tapaz.
Sa impormasyon nga nakuha sang Bombo Radyo nagikan sa Tapaz Municipal Police Station, personal nga nagpadulong sa istasyon ang wala na ginhingadlan nga persona matapos nadesisyonan nga magbiya sa pagsuporta sa rebelde nga grupo kag magbalik sa sabak sang gobyerno.
Suno sa nasambit nga rebelde, luyag na sini nga makaupod ang iya pamilya.
Mahibaluan ini ang may kaangtanan sa mas ginpasangkad nga kampanya kontra terorismo.
Boluntaryo sini nga ginsungka ang isa ka homemade short barrel 12 gauge shotgun nga wala sang bala kag yara na karon sa paghinakop sang Firearms Explosive Security And Guards Supervision (FESAGS) Division.
Sa karun yara na sa kustodiya sang Tapaz Municipal Police Station ang amu nga persona para sa custodial debriefing, documentation kag sa nakaigo nga disposisyon.
