Gin-athag sang anay aktres nga si Andi Eigenmann nga wala nag-cheat sa iya ang iya fiancé kag Siargao-based surfer nga si Philmar Alipayo.
Ginhimo ni Andi ang pag-athag kasunod sang pila ka serye sang mga cryptic story sini nga nagpalutang sa spekulasyon sang ila bulagay.
Sa ginpakigbahin nga story ni Andi subong nga Sabado, Pebrero 8, naghatag ini sang mas maathag nga konteksto sa iya nga mga nauna nga posts kag gintuad nga ang mga ini ang intended sa isa ka partikular nga abyan nga babayi nga nagtraydor sa iya nga wala na sini ginhingadlan.
Dugang pa sini nga sa kada updanay sang iya fiancé kag ang nasambit nga babayi, kaupod man suno ini.
Gin-athag man ni Andi nga ang iya pagpost sa isyu bangud gintraydor suno ini sini nga ginaganyat suno ang iya fiancé nga makigbulagay sa iya kun naga-away sila apisar nga ginaistorya man suno ang iya sini nga side.
Gin-mensyunar man ni Andi sa story sini ang pagpa-tattoo sang babayi nga pareho sa tattoo mark nga “224” sang iya fiancé nga wala man lang ginkonsiderar ang iya nga mabatyagan.
Gintuad man ni Andi nga ginpakigbahin sini ang amo nga post agud maghatag sang awareness sa iban nga ang amo nga sitwasyon, indi normal.
Naghatag man sang pahayag ang fiancé ni Andi nga si Philmar sa iya story kag ginkumpirmar ang mga ginpakigbahin sang iya fiancée. Ginsabat man ni Philmar ang mga pagpakamalaot nagikan sa netizen nga gintawag sini nga cheater kag malaw-ay apang nagpasalamat sa mga tawo nga matuod nga nakakilala sa iya.
Matandaan, na-engage sanday Andi kag Philmar sang Disyembre 2020 kag may 2 ka bata nga sanday Lilo kag Koa samtang may isa naman ka bata si Andi sa iya anay karelasyon nga si Ellie.
