Komedyante nga si Ate Gay, tuman ang pasalamat kay Heart Evangelista bangud sa bulig sa iya sa pagpakigbato sa sakit nga cancer

Ginpakigbahin sang komedyante nga si Ate Gay nga dako ang nabulig ni Heart Evangelista sa iya pagpakigbato sa cancer.

Suno kay Ate Gay, mismo ang ginatawag nga Global Fashion Icon amo ang nagasuporta sa iya adlaw-adlaw nga galastuhan.

Nakita niya sadto anay ang aktres nga nagakaon sa restaurant nga ginatrabahuan sang komedyante.

Nagpalapit si Heart sa iya sang gintawgan sang assistant ni Heart ang iya manager nga si Allan K.

Dugang pa ni Ate Gay nga ginabuligan siya ni Heart kada bulan.

Gintanyagan pa gani siya ni Heart nga magpabulong sa Singapore kon mahimo.

May mga personalidad man nga naghatag sa iya sang bulig kaangay nanday Mark Lapid, Coco Martin, Lito Lapid, Allan K kag madamo pa nga iban.