ROXAS CITY – Aprubado na sang Sangguniang Panlungsod ang ginaduso nga City Ordinance ni outgoing City Councilor Cesar Yap Jr., nahanungod sa anti-discrimination act sa mga miyembro sang LGBTQplus sa syudad sang Roxas.
Ini ang ginkumpirmar ni Dr. Cesar Yap Jr. sang mapakig-angutan sang Bombo Radyo Roxas.
Suno kay Yap, sa nasambit nga ordinansa nakasaad diri nga ginabawal nga idiskriminar ang LGBTQplus ilabi na sa pag-apply sang pagtrabaho.
Sa tion nga may mga miyembro sang LGBTQ nga na-discriminar ginapanugyanan ang mga ini nga magpadulong sa Roxas City PNP agud ipalab-ot ang ila reklamo kag gilayon nga maaksyunan.
Nagalaom naman si Yap nga mapirmahan na ini ni Mayor Ronnie Dadivas ang nasambit nga ordinansa bangud aprubado na sang Sangguniang Panlungsod.
