Nag-file si Senator Robinhood Padilla sang Senate Bill No. 1300 ukon ang “Anti-Pabebe Act of 2025.”
Ang hagna ang may tinutuyo nga maghimo sang maayo nga development sa early education pinaagi sa mandatory integration sang practical life skills, values formation, kag environmental awareness sa basic education program.
Suno kay Atty. Rudolf Philipp Jurado, chief of staff ni Sen. Padilla, ang “pabebe” isa ka colloquial Filipino expression nga nagatumod sa “tendency to act overly pretentious or exaggeratedly delicate in speech and behavior.”
Pahayag niya, fit sa nasambit nga hagna ang termino ilabi na sa kun ano ang hulag sang mga kabataan subong nga masami engage sa internet.
Samtang ginpahayag ni Sen. Padilla nga bangud sa pagbag-o sang kultura kag pangginawi, madamo sang mga kabataan ang indi equipped sa life skills gani pinaagi sa nasambit nga hagna, makabulig ini sa ila sa pag-atubang sa mga demands kag stress nga ila ma-eksperyensyahan.
