MANILA-Nag-abot sa Senado sini nga Martes si anay Senador Antonio Trillanes IV samtang nagatestigo si Davao City Mayor Sebastian “Baste” Duterte sa impeachment trial sang iya utod nga si Vice President Sara Duterte.
Si Trillanes, isa sa mga kritiko sang Duterte family, posible man nga magtestigo sa impeachment proceedings, ilabi na sa alegasyon sang unexplained wealth batok sa Bise Presidente.
Ang pag-abot ni Trillanes sa Senado natabo samtang ginapamangkot si Baste parte sa mga kontrata sang Davao City government sa GenCorp Industries Incorporated, nga gin-deklarar ni Sara Duterte bilang business interest sa iya 2024 kag 2025 SALNs.
Apang, base sa records sang Securities and Exchange Commission, wala makita ang ngalan ni Sara Duterte bilang stockholder, incorporator ukon director sang GenCorp. Suno naman sa una nga pahayag ni Baste, nakakuha ang GenCorp sang 19 ka kontrata gikan sa Davao City government nga nagabalor sang P33.26 milyon.
Si Davao City Mayor Baste gin-deklarar sang Senate impeachment court bilang hostile witness sa nagapadayon nga paglitis.
