-- ADVERTISEMENT --
Nakuhaan sang mga kapulisan sang Roxas Component City Police Station ang anum tanan ka improvised tube cannon ukon “boga” halin sa anum ka menor de edad nga lalaki sa Barangay Baybay, Roxas City, kagab-i, Disyembre 31, 2025.
Ang pagkumpiska ginpatigayon sa idalom sang ginpabakod nga operasyon kontra ilegal nga paputok sang kapulisan.
Ang mga nakuha nga boga, nga himo sa polyvinyl pipe kag ginabulubanta may balor nga P300.00, kag ginakabig ilegal bangud sa katalagman nga mahimo sini sa publiko.
Sa subong, yara na sa kustodiya sang Roxas Component City Police Station ang mga narekober nga boga para sa husto nga disposisyon.
