Anum ka mga Palestinian ang napatay kag pila pa ang napilasan matapos nga nagpalupok ang mga pwersa sang Israel malapit sa isa ka aid distribution center sa southern Gaza.
Natabo ang insidente sang Sabado sang aga, samtang nagatipon ang mga tawo agud magkuha sang suplay sang pagkaon.
Suno sa isa ka tigpamaba sang Civil Defense, gintiro sila sang mga Israelinhon sang gintinguhaan sang mga tawo nga magbuligay agud magpalapit sa lugar.
Suno sa Israeli military, ginpahayag nga nagpalupok sila sang warning shots batok sa mga suspetsado nga nagpalapit sa ila samtang nagapamahog sa ila.
Nagdesisyon ang Gaza Humanitarian Foundation (GHF) nga amo ang nagabulig sa operasyon nga temporaryo nga untaton ang pagpanagtag sang supply sang pagkaon agud mapaayo ang safety kag malikawan ang pagginutok.
Nahibaluan nga madamo nga mga Palestinian ang nakakita sang ila oportunidad sa mga roundabout malapit sa Israeli military zone nga kinahanglan nila agyan agud makapalapit sa aid site.
Una nga ginpaandaman sang Israel Defence Forces (IDF) ang mga pumuluyo sang Gaza nga isa ka aktibo nga combat zone ang nasambit nga lugar ilabi na kun kagab-ihon.
