Apat ka mga indibidwal nga sakay sang duha ka motorsiklo, patay matapos gin-arado sang truck

Patay ang Apat ka mga indibiwal matapos gin-arado sang truck ang pila ka mga salakyan sa syudad sang Surigao.

Suno sa report, ginpahayag nga ang duha ka nagasakay sa isa ka motorsiklo nadugmok sa idalom sang truck, samtang ang duha ka nagasakay sa isa pa ka motorsiklo ang nahulog gikan sa salakyan.

Nagaguwa sa imbestigasyon nga gilayon nga nag-isol ang truck kag nagbunggo sa isa ka van antes nabungguan ang duha ka motorsiklo. Nahalitan man ang isa pa ka naga-park nga motorsiklo sa pagbunggu-anay.

Luwas namn ang mga pasahero sang van.

Posible suno sa kapulisan nga natulugan ang driver sang truck nga yara na sa kustodiya sang Surigao City Police.

Padayon pa ang imbestigasyon sa insidente, samtang wala pa sang pahayag ang driver sang truck.