Naglab-ot sa apat (4) ang napilasan matapos nga nahulog ang debris halin sa missile drone sa The Fairmont Hotel, Palm Jumeirah Dubai sang Sabado sang gab-i.
Suno sa mga otoridad, may mga debris halin sa drone nga nahulog matapos ini na-intercept sang United Arab Emirates (UAE) defence forces rason nga nasunog ang hotel.
Natabo ang insidente kasunod sang pagbalos sang missile attacks sang Iran sa Gulf Arab states bilang sabat sa pag-atake sang U.S. kag Israel sa Iran.
Gilayon nga nagresponder ang mga otoridad matapos makabati sang mabaskog nga paglupok kag nakita ang daku nga sunog sa hotel.
Sa pihak sini, nagpanugyan ang mga otoridad sa mga pumuluyo sang Syudad nga mangin luwas kag bantayan ang palaabuton nga mga anunsyo samtang nagapadayon ang imbestigasyon.
