Arestado ang apat ka mga individual sa ginpatigayon nga anti-illegal gambling operation sa Panay Ville, Poblacion Ilaya, Panay, Capiz.
Ang mga arestado amo sanday alyas “Ruben”, 54-anyos, alyas “Rubi” ,59-anyos, alyas “Ramon”, 57-anyos, kag alyas “Arvin”, 38-anyos, lunsay residente sang nasambit nga lugar.
Sa interview sang Bombo Radyo kay Police Captain Eric Deocampo, Hepe, Panay Municipal Police Station, iya ginpahayag nga na-aktuhan sang mga kapulisan ang mga arestado nga iligal nga hampang nga “Pusoy Bahig.”
Suno kay Deocampo, nakuha sa mga arestado ang isa sa ka set sang playing cards kag pila ka mga sinsilyo nga ginapatihan nga ginagamit sa pagtaya.
Magapangatubang ang mga arestado sa kaso nga paglapas sa Presidential Decree 1602 ukon Anti-Illegal Gambling Law.
Sa subong, yara na sa kustodiya sang Panay Municipal Police Station ang mga arestado para sa nagaka-igo nga disposisyon.
