DASMARIÑAS CITY, CAVITE– Patay ang apat ka mga indibidwal, kalakip na ang suspek, matapos ang nagluntad nga shooting incident samtang nagapatigayon sang flag-raising ceremony sa Barangay Salitran 3, Dasmariñas City, Cavite.
Suno sa Police Regional Office 4A, ginapahayag nga tatlo sa apat nga napatay ang mga opisyales sang barangay kag ang isa amu ang suspek nga ginkilala kay alyas “Ariel”, 50-anyos kag anay barangay tanod sang amu nga lugar.
Dugang diri, samtang nagapatigayon sang flag raising ceremony sa atubang sang barangay hall sang amu nga barangay, hinali nga nagpalapit ang suspek kag nagpulupok sang wala pa makilan-an nga sahi sang armas-luthang resulta sang pagkapatay sang tatlo ka mga indibidwaql kag pilas naman sa iban pa.
Nahibaluan nga matapos ang pagpangluthang sini sa mga opisyal, ginluthang-patay man sini ang kaugalingon.
Samtang, nagapadayon ang maid-id nga imbestigasyon sang mga otoridad agud hibaluon kun ano ang rason sa likod sang nasambit nga insidente.
