Ginpasalig ni House Appropriations Chairperson, Rep. Mikaela Suansing nga wala sang pork barrel funds sa idalum sang 2026 General Appropriations Bill (GAB).
Suno kay Suansing, wala pa sang pondo nga ginsulod sa national budget.
Gin-athag man sini nga wala sang hurisdiksyon ang Kamara sa pondo nga ginahatag sa DSWD, DOLE kag DOH ilabi na ang mga bulig nga ginahatag sa aton mga kasimanwa, kasubong sang AICS, MAIP kag Tupad.
Dugang pa ni Suansing, sa tion nga ma-download na sa mga ahensya ang pondo para sa kasubong nga mga programa, ang mga natungdan nga ahensya ang maga-atipan sini agud nga ma-implementar sang husto ang mga programa.
Pahayag pa niya, siguraduhon na sang Kamara nga wala sang pork barrel funds sa national budget.
Matandaan, ang minorya sa Kamara nagpamatuk sa gina-alegar nga pagpondo sang unprogrammed appropriations sa national budget nga nagaserbe sa pork barrel funds.
