ROXAS CITY, CAPIZ – Ginpakigbahin sang Archdiocese of Capiz ang kahulogan sang Ash Wednesday ukon Miyerkules de Badlis.
Sa interview sang Bombo Radyo kay Very Rev. Msgr. Rufino Reggie A. Pamposa, Vicar General Arcchdiocese of Capiz, iya ginpahayag nga ang Ash Wednesday ang una nga adlaw sang Kuwaresma.
Ini ang tion sang 40 ka adlaw sang pagpuasa, pagpangamuyo kag paghinulsol bilang paghanda sa pagkabanhaw.
Suno kay Msgr. Pamposa, importante ang Ash Wednesday bangud ini ang nagapahanumdom sa mga Katoliko nga maghinulsol sang sala, mag-umpirsa sang spiritual renewal, pahanumdom nga ang kabuhi sang tawo ang temporary lamang kag panawagan nga magbag-o kag mas mangin malapit sa Diyos.
Pahayag pa niya, sa subong nga tuig, ang sentro sang puasa sang Catholic Bishop’s Conference of the Philippines amo ang digital media ukon ang ginatawag nga digital fasting agud mahagan-hagan ang paggamit sang social media bilang pamaagi sang pagpamalandong.
Nagpanawagan man ang natungdan nga magpa-badlis bwas, Pebrero 18 apang magtambong anay sang misa sa diin may yara sang ‘las 6:00 sa aga kag kag ‘las 4: 00 sa hapon nga schedule ang Divine Mercy Parish Church sa Milibili Roxas City.
