Magapatigayon sang “Silent walk”, ang Archdiocese sang Capiz bilang pagdumdom sang ika-40th nga anniversary sang EDSA People Power Revolution.
Sa interview sang Bombo Radyo kay Fr. Frank Casalda, director sang Capiz Archdiocesan Social Action Center, 40th ka tuig na nga nagbag-o sang pangamuyo kag paghiliusa ang maragtas sang pungsod.
Subong nga tuig, liwat nga magatipon ang mga pumuluyo sa Metropolitan Cathedral kag Archdiocesan Shrine of the Immaculate Conception sa syudad sang Roxas agud saulugon ang ika-40th nga anibersaryo sang EDSA People Power Revolution.
Ang programa magasugod alas 3:00 PM tubtob alas 7:00 PM paagi sa isa ka Community Holy Rosary, nga pagasundan sang Eucharistic Celebration sa alas 5:30 sa hapon sa pagpanguna ni Most Rev. Archbishop Victor B. Bendico, D.D.
Suno sa iya, ini nga mga aktibidad ang kabahin sang pagdumdom sang makasaysayan nga kadalag-an sang demokrasya sa Pilipinas pagkatapos sang pagginahum sang anay diktador nga si Ferdinand Marcos Sr.
