Arestado ang 4 ka persona matapos madakpan nga iligal nga nagapangisda sa banwa sang Panay

ROXAS CITY – Arestado ang 4 ka mga persona matapos madakpan sa akto nga nagapatigayon sang ilegal nga pagpangisda sa kalalawaran nga sakop sang banwa sang Panay.

Ginkilala ang mga naaresto nga sanday JR Pena, 36- anyos Roberto Moreno, 45- anyos, Romel Albarado 30- anyos kag Ronron Pena, 20- anyos nga lunsay mga residente sang Brgy. Libas, syudad sang Roxas.

Nakuha sa ila posesyon ang isa ka unit sang 1 fishing boat, 4 motor engine, 1 ka lambat, mas o menus 20 kilos sang nagkasari-sari nga isda.

Magapangatubang ang mga naaresto sa kaso nga paglapas sang Mun. Ordinance 03-02 series of 2003.

Ginturn-over ang mga arestado kag ang mga kompiskado nga mga items sa MENRO-Panay para sa nagakaigo nga disposisyon.