Arestado ang ginakabig bilang top 7 most wanted person matapos nga ginserbihan sang warrant of arrest sang mga katapo sang kapulisan sa Circumferential Road Barangay Culasi, Roxas City.
Ginkilala ang akusado kay alyas “Jo”, yara sa legal nga pang-edaron kag residente sang nasambit nga barangay.
Ang warrant of arrest ang gin-isyu kag ginpirmahan ni Hon. Eric Anthony Dumpilo , Presiding Judge, Regional Trial Court , Branch 14, Roxas City nga napetsahan sadtong Agosto 6, 2024.
Nagapangatubang ang akusado sa kaso nga paglapas sa R.A. 9165 ukon Comprehensive Dangerous Drugs Act of 2002.
Wala naman sang may ginrekomendar nga piyansa ang korte para sa temporaryo sini nga kahilwayan.
Sa karon, yara na sa kustodiya sang Roxas Component City Police Station ang akusado para sa nagakaigo nga disposisyon.
