Argentinian football team, nasubuan sa pagtaliwan ni Pope Francis

Tuman ang kasubo sang Argentine soccer team nga San Lorenzo de Almagro bangud sa pagtaliwan ni Pope Francis.

Suno sa nasambit nga hubon nga halin sa pagiging simple nga Jorge Mario Bergoglio tubtob nangin Santo Papa, wala nagbag-o ang suporta sini sa team.

Mahibaluan nga kilala ang Santo Papa nga mahilig sa sport nga soccer kun sa diin uyat pa sini ang jersey sang pungsod nga ginhalinan nga amu ang Argentina.

Ang 88-anyos nga Santo Papa miyembro sang nasambit nga team kun sa diin may ara  man ini sang ID Card nga nagapamatuod sang iya nga pagiging aktibo nga miyembro.