Ginbalabagan sang armado nga barko sang Iran ang isa ka barko sa strategic waterway sang Strait of Hormuz suno sa United Kingdom Maritime Trade Operations.
Bangud sa insidente, wala nagpundo ang amo nga barko tubtob nga ma-escort sang warship sang Estados Unidos para sa dugang nga seguridad.
Sa pihak nga bahin, gin-athag sang opisyal sang Iran nga ang amo nga barko ang ginaalegar nagsulod sa territorial waters sang amo nga pungsod nga wala sang permiso.
Nahibaluan nga ang Strait of Hormuz ang kilala nga ruta sang mga barko nga may dala nga produkto kaangay sang petrolyo, kun sa diin daku nga porsyento sang supply sang enerhiya sa kalibutan ang diri ginabyahe.
Posible nga ang tensyon sa lugar ang bangud sa geopolitical conflict sang Iran kag Estados Unidos sang Amerika.
Wala man sang napilasan kag casualty apang nagapabilin nga aligmat ang mga otoridad sa daku nga tsansa nga maliwat ang amo nga insidente.
