Armas-luthang, ginsungka sa banwa sang Pres. Roxas

Boluntaryo nga ginsungka sang isa ka Barangay Official sa President Roxas PNP ang isa (1) ka yunit nga armas-luthang sa Barangay Viscaya, President Roxas, Capiz.

Ang wala na ginhingadlan nga persona ang residente man sa nasambit nga lugar.

Ginsungka sini ang isa ka unit sang caliber 38 revolver nga wala sang bala.

Nahibaluan nga ini ang kabahin sang mas ginpasangkad nga kampanya sang kapulisan nga Tokhang Kontra Armas Luthang ukon TKAL.

Sa karon, yara na sa paghinakop sang Pres. Roxas MPS ang nasambit nga armas-luthang kag natalana nga iga-turnover sa FESAGS Capiz Provincial Police Office para sa nagakaigo nga disposisyon.