Boluntaryo nga ginsungka sang isa ka Barangay kagawad sang Barangay Agdahon, Cuartero, Capiz sa mga kapulisan sang Cuartero Municipal Police Station ang (1) ka unit sang 12 gauge homemade shotgun nga wala sang serial number kag ammunition.
Sa interview sang Bombo Radyo PCPT ALLADEN B. TALABAN, Officer in Charge sang Cuartero Municipal Police Station, suno sa iya ang nasambit nga armas luthang ang boluntaryo man nga ginsungka sa wala na ginhingadlan nga Barangay kagawad sang isa ka residente sa ila barangay.
Mahibaluan nga ini ang bunga sang mas ginpasangkad nga kampanya sang Tokhang Kontra Armas-luthang ukon TKAL agud mapabilin ang kalinong kag katawhay sang palibot.
Sa karon, ang nasambit nga armas luthang ang yara na sa kustodiya sang Cuartero MPS para sa nagakaigo nga disposisyon.
