Assets sang Philippine Banks, naglab-ot sa masobra P28 Trillion sang Oktubre

Naglab-ot sa P28.29 trillion ang kabug-usan nga assets sang Philippine banking system tubtob sa katapusan sang Oktubre, mas mataas sang P1.88 trillion ukon 7.1 percent kun ipaanggid sang tinalikdan nga tuig, suno sa Bangko Sentral ng Pilipinas.

Suno sa Bangko Sentral ng Pilipinas, ang pagdabong ang nagapanguna nga dala sang pagtaas sang deposits, loans, kag investments sang mga bangko.

Nagtaas man ang kabug-usan nga loan portfolio kag net investments, samtang nagnubo sang gamay ang cash kag due halin sa iban nga mga bangko.

Samtang, naglab-ot sa P24.67 trillion ang kabug-usan nga liabilities sang banking system, kun sa diin 84.4 percent ang halin sa deposits.