Nagsugod na sa pag-issue sang subpoena ang Department of Justice (DOJ) sa mga yara sa likod sang pagkadula sang sabungero.
Suno kay DOJ Assistant Secretary Jose Dominic Clavano IV, ginapangunahan ini sang negosyante nga si Charlie ‘Atong’ Ang, aktres nga si Gretchen Barretto, anay PNP National Capital Regional Police Office chief General Jonnel Estomo kag 60 ka iban pa.
Dugang pa ni Clavano, isa-isa nila nga ginapaguwa ang nasambit nga mga subpoenas.
Nagapangatubabang sanday Ang kag Barreto sang multiple murder at serious illegal detention nga ginpasaka sang pamilya sang mga manugbulang.
Nakasaad sa subpoena nga dapat sila magtambong sa preliminary investigation nga pagahimuon sang isa ka panel sang DOJ prosecutors.
Una nga ginpaidalum sa immigration lookout bulletin orders si Ang kag pila ka iban pa nga naulamid sa nasambit nga pagkadula sang sabungero.
