ROXAS CITY – Ginklaro ni Atty. Luvim Amores Public Information Officer sang Provincial Government, nga wala sang entrance fee ang paglantaw sang performance sang mga artista nga maga-abot sa probinsya kadungan sa pagselebrar sang Capiztahan 2024.
Sa interview sang Bombo Radyo kay Atty. Amores, ginpahayag sini nga may yara sang mga sponsor ang event kung sa diin sila ang nagbakal sang mga ticket.
Suno kay Amores, wala sang kinahanglan nga kabalak-an ang tumalan-aw bangud ini nga selebrasyon ginpeparahan sang gobyerno probinsyal agud makahatag sang kasadya indi lamang sa mga Capisnon kundi subong man sa mga dumuluong kag nagikan pa sa iban nga probinsya nga nagabisita agud saksihan ang dako nga selebrasyon sang Capiz.
Ini matapos madamo sang huring-huring nga ginapahayag kung sa diin kinahanglan suno diri magbakal sang ticket ang luyag maglantaw sa performance sang mga artista nga magpadulong sa probinsya.
Samtang, padayon naman nga gina-imbetar ni Atyy. Amores ang tanan nga saksihan ang tanan nga aktibidad bangud wala pa suno diri ang exciting part sang event.
