ROXAS CITY – Pormal na nga gin-appoint kag gin- aprubahan sang Sangguniang Panlalawigan (SP) sang Capiz sa pagpanguna ni Vice Gov. Jaime “Mitang” Magbanua si Atty. Luvim Amores nga magadumala sang Provincial Information Office (PIO) sang gobyerno probinsyal.
Sa interview sang Bombo Radyo kay Atty. Luvim Amores, kadungan sa pag-appoint sa iya bilang PIO head amu man ang pagdesignar sa iya bilang HRMO OIC.
Suno diri mandato sang opisina sang PIO ang himuon nga transparent ang gobyerno probinsyal kun sa diin sila ang nagapreparar sang write-ups sang mga programa kag magapahibalo sa publiko kun ano ang ginahimo sang gobyerno kag opisyal sini para sa pumuluyo sang Capiz.
Ang pagdesignar sa iya amu sandig sa ginpadala nga letter request ni Gov. Fredenil “Oto” Castro kay Vice Gov. Mitang kag mga board members nga nagahinyo sa mga ini ang madasig nga pag-appoint kay Atty. Amores.
Plano ni Amores nga magpahamtang sang lugar para sa mga media agud mapalapnag pa ang transparency kag kaayuhan nga ginahimo sang gobyerno probinsyal.
Iga-reorient man niya ang mga emplyado sang PIO natuhoy sa ila responsibilidad kag trabaho.
Ginpasiguro ni Amores nga magapangalagad siya para sa ikaayo sang tanan nga pumuluyo sang Capiz.
