Nangin pinakauna nga pungsod sa kalibutan ang Australia nga nagadumili sa paggamit sang social media sang mga kabataan nga wala pa 16 anyos.
Suno kay Prime Minister Anthony Albanese, ini nga tikang makahatag sang mas luwas nga pagsugod sa online nga kalibutan para sa mga kabataan.
Ang mga kompanya nga nagalapas sa kasuguan mahimo nga multahan sang tubtob $50 milyon bilang penalidad.
Nahibaluan nga kahapon nga adlaw, ang mga mayor nga social media platforms kinahanglan nga mag-implementar sang mga sistema sa pag-verify sang edad.
Katuyuan sang bag-o nga pagsulundan amo ang pag-amlig sang mental health sang mga pamatan-on batok sa cyberbullying, online exploitation, kag pagkaadik sa social media.
Madamo nga mga ginikanan ang nagpabutyag sang suporta bangud nagbuhin ang ila kahadlok sa online safety sang ila mga kabataan.
Ginhatagan pagtamod ni Albanese, nga isa ini ka makasaysayan nga tikang nga magabutang sang talaksan para sa iban nga pungsod sa digital age.
