Arestado ang isa ka babaye sa Thailand matapos akusaran sang pagkuha sang sikreto nga video kag laragway samtang nagapakighilawas ini sa mga monghe, nga ginapahayag ginagamit niya sa pag-blackmail agud makwartahan.
Ginkilala ang suspek nga si “Ms. Golf,” nga nadakpan nga nagpangbiktima sang siyam ka monghe sa sulod sang tatlo ka tuig.
Suno sa report sang mga international news outlet, ginabanta nga naglab-ot sa 385 million nga baht ukon mas o menos ₱600 million ang ginkita sang suspek halin sa nasambit nga ilegal nga aktibidad.
Ang mga monghe kabahin sang isa ka relihiyoso nga grupo nga kinaandan nagasunod sa hugot nga pagpangabuhi, kalakip ang celibacy, wala sang propedad, kag pagsunod sa mga pagusulundan sang ila nga pagtuo. Ang nasambit nga insidente ginakabig nga isa ka mabug-at nga paglapas sa ila nga panata.
Natukiban sa balay ni Ms. Golf ang masobra 80,000 laragway kag video nga ginapahayag ginagamit agud pahugon kag piliton ang mga biktima nga magbayad sang daku nga kantidad. Suno sa mga otoridad, kinaandan suno diri nga nagakadto sa pagsugal ang kwarta nga ginakolekta sang babaye gikan sa mga biktima.
Samtang, isa man ka kaangay nga kaso ang nabalhag sa China kun sa diin gindakop ang isa ka lalaki nga kilala sa alyas nga “Red Uncle.”
Suno sa report, pasikreto niya nga gina-videohan ang iya pagpakighilawas sa masobra 1,000 nga lalaki kag ginabaligya ang mga ini online.
