Arestado ang isa ka lalake sa kaso nga attempted murder matapos gintiro ang iya abyan nga babaye bangud nagkapikunan sa nadula nga P700.
Suno kay Police Lt. Col. Alvin Christopher Baybayan, station commander sang Police Station 2, natabo ang krimen sa Barangay 105, Tondo, Manila.
Suno sa biktima, ginpasibangdan siya sang suspek nga nagkuha sang nadula nga 700 pesos nga kwarta, butang nga iya naman ginpanginwala.
Ginpahayag naman sang babaye nga gub-on niya ang motor sang suspek, nga ginkaakig sang lalaki rason nga hinali ini nga nagpangluthang.
Naghinulsol ang suspek sa natabo sa iya nga abyan nga isa ka semana nga naka-admit sa ospital bangud sa natabo.
Igo sa tiyan ang naangkon nga samad sang biktima.
Sa karon, preso sa police station ang suspek.
