Babayi, arestado matapos ginserbihan sang warrant of arrest sa syudad sang Roxas

ROXAS CITY- Arestado ang isa ka babaye matapos ginserbihan sang warrant of arrest sang mga otoridad sa Bangbang Street, Barangay Inzo, Roxas City.

Ginkilala ang akusado nga si Mary Jane De Asis, residente sang nasambit nga barangay.

Kaso nga paglapas sa RA 9165 Comprehensive Dangerous Drugs Act of 2002 ang ginapangatubang ni De Asis.

Ang warrant of arrest ang gin-isyu ni Hon. Faustino Roxas Jr. Sang Regional Trial Court, Branch 18, Roxas City nga napetsahan sadtong Mayo 20, 2024.

Sa karon, ginpaidalom na sa drug test ang nasambit nga arestado kag yara na sa kustodiya sang Roxas City PNP para sa nagakaigo nga disposisyon.