ROXAS CITY– Gintaban sang wala pa makilal-an nga suspek ang cellphone sang isa ka babayi nga nagabantay sang pasyente sa sulod sang Roxas Memorial Provincial Hospital.
Sa interview sang Bombo Radyo sa biktima nga si Jieryl Ann, yara siya sa ospital agud magbantay sa iya nga himata nga pasyente.
Apang bangud sang kakapoy, natulugan ini samtang nagabantay. Apang sa wala niya ginalauman, gintaban sang wala makilal-an nga kawatan ang iya cellphone nga ara sa sulod sang iya bag.
Suno kay Jieryl Ann, nakibot siya sang iya pagbugtaw kag iya nadiskubrehan nga wala na ang iya cellphone.
Wala pa sang impormasyon kun may CCTV ukon testigo nga makabulig sa imbestigasyon.
Padayon naman ang paandam sang kapulisan sa publiko nga magbantay sang ila mga personal nga gamit labi na sa mga pampubliko nga lugar pareho sang ospita
