Babayi, pilason matapos nga na sideswipe sa banwa sang Ivisan

ROXAS CITY – Pilason ang isa ka babayi matapos nga na sideswipe sa Barangay Poblacion Sur, banwa sang Ivisan takna 7:15 kagab-i, Agosto 1.

Ginkilala ang biktima kay Mary Jane Villanueva, 44-anyos residente sang nasambit nga lugar.

Sa pakig-angut sang Bombo Radyo kay Jezzel Mae Guya, himata sang biktima, suno diri nagapanglakaton ang biktima sang aksidente ini nga nasangit sang ginapahayag topdown nga motorsiklo.

Madasig nga nakapalagyo ang motorsiklo kag gintinguhaan pa nga malagas apang napaslawan ini.

Bangud sa natabo, nag-angkon sang pilas ang biktima nga madasig naman ginrespondehan sang BFP-Ivisan para sa pauna nga pagbulong antes ginpadangat sa Roxas Memorial Hospital.