Nakakuha sang nagkalain-lain nga reaksyon online ang 25-anyos nga content creator pagkatapos nga gintawag siya nga “human 3D printer” tungod sang iya tumalagsahon nga talento sa paghimo sang detalyado nga mga sculpture gikan sa mga carrots gamit lamang ang iya mga ngipon.
Ang babaye amo si Chen Qin, wala nagagamit sang bisan ano nga mga kutsilyo ukon mga gamit sa paghimo sang sculpture, gani mahimo nga siya lang Ang “tooth carver” sa kalibutan.
Suno kay Chen, aksidente niya ini nga nadiskubrehan sang nakaligad nga Spring Festival sang gintuyo niya nga kagton kag hulmahon ang isa ka carrot samtang naga-livestream.
Bangod nangin hit ini sa tumalan-aw, ginpadayon niya ini kag nakahimo na Siya sang masobra 100 ka artworks.
Lakip sa iya pinakabantog nga mga obra amo ang mini replica sang Great Wall of China kag ang Yellow Crane Tower, nga may detalyado pa nga mga torre kag mga pader.
Gin-athag man sini sa mga kritiko nga ginaatipan niya ang iya ikaayong lawas kag wala naga-usik sang pagkaon sa iya mga artworks.
