Posible nga mapalawig ang suspension nga ginapangatubang ni Cavite 4th District Rep. Kiko Barzaga kon mag-file sang bag-o nga ethics complaint ang Kamara batok sa kongresista.
Suno kay Tingog Party-list Rep. Jude Acidre, ginakonsiderar sang Kamara ang pagpasaka sang panibag-o nga ethics complaint batok kay Barzaga bangud sa iya ginhimo matapos ginpatuman ang iya suspension sang nagligad nga Disyembre.
Matandaan, nga ang una nga reklamo batok kay Barzaga ang ginpasaka sang nagligad nga tuig bangud sa ginaalegar ‘disorderly behavior’ sini bangud sang iya mga post sa social media sa iya personal accounts.
Samtang, kon wala pa sang pinal nga desisyon ang chamber sa bag-o nga reklamo, natalana naman nga matapos sa Enero 30 ang suspension ni Barzaga.
