-- ADVERTISEMENT --

CAPIZ-Personal nga gin-inspeksyon ni Capiz Governor Fredenil H. Castro ang nagapadayon nga konstruksyon sang bag-o nga Kapitolyo Probinsyal sa Pueblo de Panay, Roxas City, subong nga adlaw, Nobyembre 20, 2026.

Sa iya paglibot sa construction site, hugot nga gin-usisa sang gobernador ang kabug-usan nga estraktura sang building, lakip ang mga detalye sang konstruksyon, agud masiguro ang husto nga kalidad kag padayon nga pag-uswag sang proyekto.

Partikular nga gintsekyar ni Castro ang ginapahuman nga Hall of Governors kag Governor’s Office nga mangin kabahin sang bag-o nga sentro sang administrasyon sang Kapitolyo Probinsyal.

Pinaagi sa iya personal nga inspeksyon, ginatutukan sang gobernador ang kalidad sang obra kag ang pagkompleto sang nagkalain-lain nga bahin sang edipisyo suno sa ginapatuman nga mga kinahanglanon sa konstruksyon.

Sa tion nga makompleto, ginapaabot nga mangin bag-o nga sentro sang operasyon sang probinsyal nga gobyerno ang Kapitolyo Probinsyal nga magaserbisyo sa mga Capisnon kag mangin simbolo sang pag-uswag kag dignidad sang probinsya.

-- ADVERTISEMENT --