Bagyo Marce, nagabaskog pa samtang nagapalapit sa pungsod

Nadugangan pa ang dala nga kabaskugon sang bagyo Marce nga yara sa sulod sang Philippine area of responsibility (PAR).

Matandaan nga nagsulod ini sa kadagatan nga sakop sang pungsod bilang tropical depression kag karon gilayon na ini nga nagsaka sa pagiging tropical storm.

Ulihi nga nasiplatan ang sentro sang bagyo Kristine sa kalayuon nga 935 km sa nasidlangan sang Eastern Visayas.

Dala sini ang kabaskugon sang hangin nga 65 km/h malapit sa sentro kag may pagmadlos nga 80 km/h.

Nagahulag ini panakatungdan-naaminhan-nakatungdan sa kadasigon nga 25 km/h.

Ginalauman nga magabaskog pa ini antes makapalapit sa landmass.

Kun indi magbag-o ang hulag sini posible nga mag-landfall sa extreme Northern Luzon, partikular sa Batanes.