Yara na sa sulod sang Philippine Area of Responsibility ang Tropical Storm Kalmaegi, nga ginahingadlan sa lokal nga “Tino, Ulihi nga na-obserbahan ang sentro sini sa kalayuon nga 955km nasidlangan sang Eastern Visayas nga may maximum sustained winds nga 85km/h kag gustiness tubtob 105km/h samtang nagahulag pa-West sa kadasigon nga 30km per hour.
Tropical cyclone wind signal number 1 ang ginapasaka subong sa Eastern Visayas, Dinagat Islands, Siargao, kag Bucas Grande Islands.
Suno sa PAGASA, posible nga makalab-ot sa typhoon category ang bagyo Tino sa masunod nga 24 oras, sa diin ang signal No.4 amo ang pinakamataas nga mahimo ipahamtang sa isa ka lugar.
Ginalauman nga maga-landfall ang bagyo sa Eastern Samar ukon Dinagat Islands buwas (Nobyembre 3) sang gab-i ukon Martes sang aga (Nobyembre 4).
Matapos mag-landfall, magatabok ini sa Visayas kag Northern Palawan antes makalab-ot sa West Philippine Sea sa Miyerkules sang aga ukon hapon.
