Ginalauman nga maga-agi sa madasig nga intensification ang Severe Tropical Storm Fung-wong sa pagsulod sa Philippine Area of Responsibility (PAR) subong nga gab-i (Nob. 7) ukon bwas sa aga.
Ini kadungan sang padayon sini nga pagtipon sang kusog samtang yara sa nasidlangan nga bahin sang eastern Philippine Sea.
Gikan sa kabaskugon sini subong, mahimo ini hinali nga magtaas halin sa 185 kilometros por ora (KPH) pakadto sa 195 KPH buwas, samtang yara ini sa sulod sang PAR.
Suno sa PAGASA Meteorologist nga si Benison Estareja, posible nga magbaskog pa ini antes mag-landfall, kag sa ulihi mangin super typhoon samtang nagasubay ini sa direksyon nga naaminhan-nakatundan.
Wala man ginadula sang weather bureau ang posibilidad nga ang sakop sang bag-o nga bagyo mahimo nga magsangkad pa.
Gin-athag ni Weather Services Chief Juanito Galang nga posible maglapad pa ang lugar nga apektado sang bagyo bangud padayon ini nga nagabaskog, posible nga makalab-ot pa sa Visayas.
Ang sirkulasyon sang bagyo sa karon ginabulubanta nga magalab-ot sa masobra 700 kilometros, base sa una nga forecast.
