Bagyong Leon, magabaskog pa pero indi magatapak sa PH landmass

Ginalauman nga magakusog pa ang tropical storm Leon nga yara sa sulod sang Philippine Area of Responsibility (PAR).

Ulihi nga  nasiplatan ang sentro sang bagyo sa kalayuon nga 1,075 km sa sidlangan sang Central Luzon.

May kabaskugon ini sang hangin nga 65 km/h malapit sa tunga kag may pagmadlos nga 80 km/h.

Nagahulag ini sang pakanluran sa kadasigon nga 30 km/h.

Ginalauman naman nga magabaskog pa ang TD Leon tubtob sa typhoon category, apang malabo ini nga mag-landfall sa alinman nga bahin sang Pilipinas.

Ginabanta nga buwas sang gab-i, maga kurba ang direksyon sini padulong sa may hilaga nga bahin sang Taiwan.