-- ADVERTISEMENT --
Ginbalibaran sang Pasig Regional Trial Court (RTC) Branch 159 ang bail petition ni Pastor Apollo Quiboloy sa qualified trafficking for sexual abuse and labor exploitation case.
Base sa 23 ka panid nga mando sang korte, ginbasura sang Pasig RTC Branch 159 ang separado nga petisyon nga ginpasaka nanday Quiboloy, Sylvia Cemañes, Paulene Canada, Jackielyn Roy, Cresente Canada, kag Ingrid Canada.
Ginhatagan man pagtamod sang korte nga ini nga resolusyon ang wala nagadeterminar sang ultimate outcome sang kaso batok kay Quiboloy kag sa iban pa nga mga akusado.
Sa pihak nga bahin, gin-abi-abi naman sang kampo sang mga tagreklamo ang desisyon sang korte nga indi pag-aprubahan ang bail petition nga ginpasaka sang kampo ni Quiboloy.
