Masuguran na sa masunod nga semana ang pagbakuna sa mga baboy sa Batangas, bangud maga-abot na subong nga adlaw ang 2,000 nga donasyon nga bakuna kontra African Swine Fever (ASF).
Sa Malacañang Insider, ginsiling ni Agriculture Secretary Francisco Tiu Laurel Jr. nga target nila umpisahan ang pagbakuna sa 8 ka mga munisipalidad sa Batangas.
May ginbakal man suno diri nga ASF vaccines ang gobyerno sa Vietnam, apang sa una nga semana sang Setyembre pa ini maga-abot.
Bangud sini, nagapreparar naman ang Department of Agriculture (DA) sang checkpoint inspection stations sa mga unahon nga munisipalidad.
Aminado si Laurel nga indi ini mangin madali apang himuon nila ang tanan agud macontain ang paglapta sang ASF.
Samtang, wala naman naalarma si Laurel sa na-eksperyensyahan nga pagsaka sang kaso sang sakit sa Batangas bangud paabot na ang mga bakuna.
